La Xera, la llabor, la tarea. Equí escomienza la hestoria d´una idega na que lo musical ye solo una parte. UNa parte de la esperiencia que ye un suañu embaxu´l fresnu o el vientu dende´l monte´l Sueve arrastrando los sos recuerdos; una parte de les pallabres apagaes nde 80 años viendo la tierra parir y devolver tol trabayu; una parte del besu na romería convertíu en llárimes centenaries; una parte de les pallabres usaes pa espresar roes eses sensaciones.
Pallabres, collores y golores que mos arriquecen y amuésennos los milenta xeitos daquello que mos viere nacer, pente rames, cielos, vientos y flores, pente rios y montañes, úniques en cada cachín de tierra.
La Xera ye nun dexar qu´esto se pierda y concentra les sos idegues nun pensamientu nomáu "Interculturalismu". Con él, desaníciase connotación restrictiva dalguna, en beneficiu d´una defensa bultable de la diversidá, en beneficiu de la conservación y promoción de toles cultures vecines a la de nueso y lliberaes de los prexuicios de los sos respeutivos gobiernos.
Una visión cultiral que lligamos col raigañu al orixe del so pensamientu: la convivencia direuta cola ñaturaleza.
L´interculturalismu al que s´acueye Xera con un símbolu, representa la xuntanza de pueblu y tierra, y el so derechu a ser reconocíu y protexíu en cada puntu del planeta.
De les emociones del pueblu y de la so tierra, naz el soníu de Xera, qu´emplegando como base la esperiencia asturiana, fai estensu´l mensaxe d´universalidá que quier pa con tolos pueblos del mundu, animándolos a que s´aprecien na so xusta midía, y a que protexan una tierra ya una hestoria precises pal mundu.
Tuvimos 601647 visitas.
